Atzo ekimen herrikoia gauzatu zuten Orozkon, Ibaiondoko parkean egindako margoak konpontzeko. Margo horiek EH Bilduk egin zituen ekainaren 28an, Sexu Askapenerako Nazioarteko Egunaren testuinguruan, eta hurrengo egunean ezezagunek desitxuratu zituzten. Koalizioak ekintza hori eraso homofobotzat eta transfobotzat jo zuen, eta badirudi herritar gehiago iritzi berekoak izan direla.
Izan ere, EH Bilduk berak azaldu dio Aiaraldea Komunikabideari margoak konpontzeko ekimena ez duela koalizioak deitu, herritar talde batek baizik.
EH Bilduk argitu du, bide batez, sexu eta genero aniztasunaren aldeko margo horiek eraso zuten gauean bestelako pintaketak ere agertu zirela herrian, zehazki, autobidearen azpitik igarotzen den tunelean. Besteak beste, zakil bat eta svastikak margotu zituzten.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide