Igor Arzuagak abiatuko du 'Baserriak zuzenean' ekimena, Orozkoko Albitzu auzoan

Txabi Alvarado Bañares 2022ko uzt. 27a, 19:10
Igor Arzuagak joko du Orozkon igandean. / Aiaraldea.eus

Itxinapeko Okela baserrian eskainiko du kontzertua musikari aretarrak, Aiaraldea Ekintzen Faktoriako Ekonomatuaren eskutik. 

'Baserriak zuzenean' ekimena abiatu du Aiaraldea Ekintzen Faktoriako Ekonomatuak, tokiko sortzaile eta ekoizleen lanak aldi berean bistaratzeko. "Ekoizleak euren baserrietan bisitatu, euren lan egiteko modua zein filosofia bertatik-bertara ezagutu, eta ekoizten dituzten produktuekin otordua egin ostean, Aiaraldeko kultur-sortzaileen emanaldiez gozatzean datza ekimena", Ekonomatuko kideek azaldu dutenez.

Lehen zita, igande honetan

Igande honetan izango da lehen zita, Orozkoko Albitzu auzoan. Bertan dago Itxinapeko Okela ekoizpen-gunea, eta bordan joko du Igor Arzuagak, hainbat lagun musikarirekin batera. 16:30ean izango da emanaldia, baina eguerdian hasiko da egitaraua. 12:30ean egingo dute ongi etorria eta mokadua, eta bisita gidatua gauzatuko dute jarraian. 14:30ean, aldiz, bazkaria eskainiko dute. 

Izena emateko epea, bihar arte

20 eurokoa izango da eguneko sarreraren prezioa helduentzat, eta 12 eurokoa haurrentzat. Izena lehenago eman behar da Faktoria.eus atarian. Bihar -uztailak 28- izango da horretarako azken eguna. 

Kultura Orozko

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide