Julen Zubieteren 'Agur Artzai' lan sariduna eskainiko dute bihar Orozkon

Aimar Gutierrez Bidarte 2023ko urtarrilaren 3a
Deskargatu Info Ahotsak :

Mendi Film jaialdian estreinatu zuten dokumentala, iragan abenduaren 14an. / Mendi Film

Mendi Film nazioarteko zinema jaialdian bi sari irabazi ostean Orozkora iritsiko da bihar Julen Zubiete zinemagile gaztearen Agur Artzai dokumentala. Donibane Aretoan izango da emanaldia, 19.00etatik aurrera.

Jose Ereño Gorbeiako artzainaren bizipenak jasotzen dituen Agur Artzai dokumentala emango dute bihar Orozkoko Donibane Aretoan, arratsaldeko 19:00etan. Julen Zubiete zinemagile orozkoarrak zuzendu du 27 minutuko luzera duen film laburra, eta denboraren joana, garaien aldaketa eta heriotza ditu hizpide.

Dokumental saritua

Iragan abenduaren 14an estreinatu zuten Julen Zubieteren lehenengo lan profesionala Mendi Film nazioarteko mendi eta natura zinema jaialdiko sail ofizialean. Estreinaldiak ikusmira handia sortu zuen, eta Bilboko BBK Aretoa leporaino bete zuen. Aiaraldea Komunikabideak estreinaldiko kronika plazaratu zuen.

Mendi Film jaialdiko bi sari eskuratu zituen Zubieteren dokumentalak: Euskadiko Zinema Eskolaren sari gaztea eta EITB saria euskarazko film labur onenari. 

AGUR ARTZAI TRAILER from Julen Zubiete on Vimeo.

Kultura Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide