1.000 langile baino gehiago daude borrokan orain Bizkaian zaintza sektorean. Alde batetik, nagusien egoitzetako beharginak eta, bestetik, aniztasun funtzionala duten lagunen zaintza egiten dutenak.
Guztien ordezkariak batu dira gaur Bilbon 10:00etatik aurrera. Hasteko, EDE Fundazioaren (Madres Mercedarias zentroaren egungo kudeatzailea) egoitzan elkartu dira Orozkon aritzen diren langileak, eta hiriburuko kale nagusira jo dute gero.
Han bat egin dute ere Gorabide eta Gaude enpresetako beharginek eta Bizkaiko Foru Aldundiko eraikinera joan dira, non Bizkaiko nagusien egoitzetako langileak zeuden jadanik.
Aldundiaren aurrean aldarrikatu dute erakunde publikoak erantzukizuna duela euren egoeran, enpresak azpikontratatzen baititu zaintza ardurak betetzeko.
Komunikabide ugarik jarraitu dute mobilizazioa eta enpresa bakoitzeko ordezkari batek azaldu du bere gatazka. Madres Mercedariasen kasuan, zentroa ixteko mehatxuarekin batera, lan hitzarmen duinaren aldeko borrokan daude.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide