Orozkoko udal hauteskundeetarako zerrenda aurkeztu du gaur eguerdian EH Bilduk. Zubiaur plazan egin dute ekitaldia, Jon Iñarritu diputatuaren parte hartzearekin.
Samu Pasandin Sanchez zinegotziak ere hartu du hitza, bera izango baita koalizio abertzalearen zerrendaburua. Bere hitzetan, azken lau urteetan egin dituzte proposamen guztiak baztertuak izan dira Adieren udal gobernuaren partetik. Horren aurrean, EH Bildu "alternatiba bakarra" dela defendatu du, "eredua aldatu eta herritarrentzako bakarrik ez, herritarrekin batera gobernatzeko, herritarrak entzuteko eta parte egiteko eta gobernatzeko beste modu bat posible egiteko dagoen aukera aprobetxatzeko".
Hauek izango dira zerrendakide guztiak:
1. Samu Pasandin Sanchez
2. Aitziber Santamaria de la Hoz
3. Iosu Zaldibar Pagazaurtundua
4. Laura Lopez Hernando
5. Garazi Etxebarria Barace
6. Argiñe Rodriguez Rivas
7. Floren Usia Barbara
8. Rosa Pinedo Culebras
9. Julen Zubiete Iza
10. Pili Garcia Palacios
11. Andoni Bizkarguenaga Gumuzio
12. Ane Sautua Garcia (1. ordezkoa)
13. David Baskaran Ruiz (2. ordezkoa)
Talde politikoaren aburuz, "Orozkoko herritarrek nahi eta merezi dute aldaketarako prest dagoen zerrenda" aurkeztu dute. Aurreratu dutenez, datozen asteetan ekingo diote datozen lau urteetarako programaren ildoak plazaratzeari.
Argitzeke dago oraindik zeintzuk izango diren udal hauteskundeei begira Orozkon egongo diren aktore politikoak. Adiek duela bi aste jakinarazi zuen ez zela berriz aurkeztuko, eta bere ibilbidea bukatutzat emango zuen. EAJk, bere aldetik, ez du oraindik hautagairik zabaldu.
Argazkiak: Orozkoko EH Bildu