Kolonbiako bake prozesua, emakumeak eta LGTBIQ+ kolektiboaren egoera aztergai gaur Orozkon

Aitor Aspuru Saez 2023ko azaroaren 8a
Deskargatu Info Ahotsak :

COOMPAZCOL kooperatiba komunitate indigenekin elkarlanean aritzen da. / COOMPAZCOL

Esther Nohemí Gutierrez Arias eta Margarita Vásquez Vargas FARC-EP erakundeko militante ohiek dokumentala eta solasaldia eskainiko dute gaur Orozkoko Supelaur Elkartean.

Gaur 19:00etan Supelaur Elkarteko egoitza Kolonbiara begira jarriko da, Esther Nohemí Gutierrez Arias eta Margarita Vásquez Vargas FARC-EP erakundeko militante ohiek bake prozesuaren, emakumeen protagonismoaren eta LGTBIQ+ kolektiboaren egoera landuko baitute.

Emakume biek gizarte zibila antolatzeari ekin zioten COOMPAZCOL kooperatiban, behin armak utzita. Geroztik, Kolonbia eta Venezuela arteko mugan dauden komunitateetan lanean aritu dira eta hango ahalduntze prozesuei zein topatzen dituzten arazoei buruz mintzatuko dira Orozkon.

Parekide elkartearen bitartez jaso dute gonbidapena. Komunikazio proiektu handiago baten parte-hartzaile dira Gutierrez Arias eta Vásques Vargas. Egitasmo horretan Kolonbia karibearrean gertatzen diren giza eskubide urraketak lantzen dituzte, LGTBIQ+ kolektiboaren kontrakoak bereziki.

Aipatu beharra dago, halaber, Kolonbiako bake prozesua eta emakumeen egoera ez dela gai arrotza Orozkon, 2021ean erakusketa egon baitzen horri buruz museoan.

Politika Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide