🔴 AMURRIOKO UDALAK DIRU-LAGUNTZA KENDU DIO ESKUALDEKO EUSKARAZKO KOMUNIKABIDE BAKARRARI 🔴
📝 Eman atxikimendua eta babesa Aiaraldea Komunikabideari, hemen sinatuta 👇
www.labur.eus/amurrioneuskarazbizinahidugu
📍 Ekainak 21, ostirala, AGERRALDI HERRITARRA Amurrioko Juan Urrutia plazan, 19:30ean.
Altxa Burua egitasmoari lotutako taldea sortu dute Orozkon ere. Ekimen horren helburua hirukoitza da:
- Sakelakoaren erabilera atzeratzea adingabeen artean.
- Telefono mota horren erabilerak eragiten dituen arazoen gaineko kontzientzia sortzea.
- Behin nerabeei sakelakoa emanda, gurasoek bidelagun lanak egitea eurekin.
Orozkoren kasuan, taldeak bere prozesua jarraitu du. Hasiera batean, pantailen eta sakelakoaren ondorioez kezkatutako guraso batzuk elkartu ziren modu informalean, gaiari buruz irakurritakoari buruz solasteko.
Gero, Udalak antolatutako hitzaldien harira, euren kezketan sakondu zuten eta Altxa Burua iniziatiban aritzen diren beste herri batzuetako taldeekin jarri ziren harremanetan.
Bilerak deitu eta taldea egonkortu ondoren, Udalarekin sintonia handia dagoela ikusita, elkarlanean prestatuko dituzte zenbait jarduera. Besteak beste, dekalogoa sortu nahi dute hitzaldien eta kafe solasaldien bidez eta elkarlana zabaldu nahi dute ikastetxera eta hezkuntza komunitate osora (familiak barne).