Heriberto Ramos Alonsok ordezkatuko du Asier Azkoaga Larrinaga Orozkoko Udalean

Oihane Ozaeta Fernandez 2024ko abenduaren 10a
Deskargatu Info Ahotsak :

Heriberto Ramos Alosnok karguaren zina egin zuen momentua. / Aiaraldea.eus

Kultura, Kirola eta Turismo arloetako zinegotzia izango da hemendik aurrera.

Abenduaren 2ko ezohiko udalbatzan EAJko udal taldeko zinegotzi izendatu zuten Heriberto Ramos Alonso. Asier Azkoaga Larrinagak 2024ko martxoaren 13an aurkeztu zuen Udaleko zinegotzi karguaren dimisioa, eta, beraz, Orozkoko Udaleko Udalbatzak Heriberto Ramos Alonso izendatu du bere lekua betetzeko. 

Aitor Iza alkateak prozeduraren azalpena egin eta gero karguaren zina egin zuen Heriberto Ramosek, eta jarraian zinegotzi gisa eseri zen.

Abenduaren 2ko ezohiko udalbatza horretan onartu ziren 2025eko aurrekontuak, zinegotzi guztien oniritziarekin. 

Politika Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide