Aiaraldea Hollywood ez ote zen galdetzen genion geure buruari 2024. urtea ixtean. Tonu ironikoaz esaten bagenuen ere, ukaezina da azken urteetan film eta telesail ugaritarako eszenatoki bilakatu dela hainbatetan eskualdea.
Orozkoren txanda otsaila eta martxoa bitartean helduko da eta figuranteen bila dabiltza. Smart Figuración agentziak zabaldu duenez, adin guztietako pertsonak behar dira: nerabeak, helduak, adinekoak...
Interesa dutenek Smart Figuración-en webgunean izena eman beharko dute eta ostean serieraphael01@gmail.com postara idatzi, erregistratu direla adierazteko.
Figurazio enpresatik azaldu dutenez, ikus-entzunezkoen figuranteen hitzarmen kolektiboa eta indarrean dagoen lan araudia betez ordainduko dute lana. Gizarte Segurantzan ere alta emango dute, artisten kolektiboaren barruan eta hori erretiro-pentsioarekin bateragarria dela zehaztu dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
