Zabala eta Eskuza gailendu zaizkie Larrazabal eta Morgaetxebarriari Orozkon

Maider Ramirez Martin 2026ko maiatzaren 31
Deskargatu Info Ahotsak :

Arkaitz Eskuza eta Iker Larrazbal pilotari aiaraldearrek indarrak neurtu zituzten atzo Orozkon. / Aiaraldea.eus

San Fermin Torneoko final-hamaseirenen atarian jokatu dute binakako partida eta Zabala-Eskuza bikoteak eraman du garaipena, markagailua 22-15 utzita. 

Egun borobila izan zen atzokoa Orozkon: goizean ganadu azoka eta arratsaldean pilota partida profesionalak. Hain zuzen, 4 1/2ko San Fermin Torneoko final-hamaseirenak jokatu ziren arratsaldean udal frontoian eta puntako kirol erakustaldiaz gozatzeko aukera egon zen. Jakak Amiano garaitu zuen (22-17), bere eskarmentuari esker.

Aiaraldearrak ere atera ziren kantxara, Iker Larrazabalek eta Morgaetxebarriak indarrak neurtu baitzituzten Arkaitz Eskuza laudioarrarekin eta Zabalarekin. Azken bikote hori gailendu zen eta markagailuak 22-15 erakusten zuela amaitu zen partida.

Une bitxiak ere utzi zituen atzoko norgehiagokak. Izan ere, binakako atariko partida hasi berritan, pilotakada jaso zuen Larrazabalek buruan. Norabidea guztiz aldatu zuen koxka batean jo zuen pilotak eta ez-ohiko errebotearekin atera zen, Olabezarrekoaren burua gogor kolpatu zuen arte. Aparteko arazorik gabe jarraitu ahal izan zuen pilotariak jokoa.

 
 
 
 
 
Ver esta publicación en Instagram
 
 
 
 
 
 
 
 
 
 
 

Una publicación compartida de Kirolak EITB (@kirolak_eitb)

Kirola Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide