2027ra begira jarri da Orozkoko Udala. Irailean abiatu zuen datorren urteko aurrekontuei begira proposamenak jasotzeko dinamika, bi aukera eskainiz herritarrei: aurrekontuak2027@gmail.com helbidera idaztea edo ideiak udaletxean modu fisikoan izapidetzea.
“Jakin nahi dugu zeintzuk diren herritarren iritzi eta nahiak eta zer hartzen duten eurek premiazkotzat”. Hala azaldu du Aingeru Olaguenaga Iza zinegotziak Aiaraldea Komunikabidearen Azalera podcastean, eta gaineratu du elkarte eta hurbileko enpresekin ere jarri direla harremanetan euren beharrizanen berri izateko.
Auzo batzarrak
Horrez gain, auzo batzarrak egingo dituzte urriko bigarren hamabostaldian, udalerriko zonalde bakoitzari dagozkion "gaiak eta beharrak lantzeko".
Gaur (osteguna) egingo dute lehena, eta hilaren 25ean azkena:
- Murueta: urriaren 15ean, 19:00etan, Gizarte etxean.
- Goikiria: urriaren 16an, 19:00etan, ermitan.
- Zaloa: urriaren 24an, 10:00etan, Zaloako ermitan.
- Ibarra: urriaren 24an, 12:00etan, Ibarrako txokoan.
- Manzarbeiti: urriaren 25ean, 10:00etan, ermitako txokoan.
- San Miguel: urriaren 25ean, 12:00etan, ermitan.
Modu horretan, azarorako ekarpen guztiak jaso nahi ditu tokiko erakundeak, “dena prest” izateko udal aurrekontuei begira.