Gazte Asanblada izango da Otxomaioetako pregoilaria eta Aintzane Okeranza txupinera

Erredakzioa 2018ko mar. 22a, 17:17

Larunbatean ospatuko dute XX. Gazte Eguna. / Aiaraldea.eus

Herri-bozketa baliatuta hautatu dituzte, 130 proposamen baino gehiago jaso ostean.

Aurtengo Otxomaioetako pregoia nork irakurriko duen eta lehen suziria nork piztuko duen iragarri berri du Urduñako Udalak. Hiriko Gazte Asanblada izango da pregoilaria. Urte egokia da asanbladari aitortza egiteko, 20 urte betetzen baititu. “Urte hauetan gazteei zein herritargoari bideratutako hainbat kultura eta aisialdi ekintza antolatu ditu, zeinen artean nabarmentzen diren Gazte Eguna edota udako solstizioan egiten duten Akelarre jendetsua”, azaldu du udalak. Larunbat honetan egingo dute Gazte Egunaren XX. edizioa, hain zuzen.

Aintzane Okeranzari aitortza
Jaien hasiera suziria pizteaz, aldiz, Aintzane Okeranza arduratuko da. Tokiko Erakundeak azaldu du Okeranzak hiriko hainbat ekintzatan parte hartu duela eta oso maitatua dela hirian, “lorategi publikoen zaintzan aspalditik egiten duen lan boluntarioagatik, batez ere”.

130 proposamen
Iaz ekin zion udalak pregoilari eta txupinerak herri-bozketa bidez aukeratzeari. 130 herritar baino gehiagok hartu dute parte bozketan, balizko hautagaien izenak sartuta udalaren webeko galdetegian edota Alondegian jarritako kutxan.

Kultura Urduña

Erlazionatuak

Governors, Disaster Now eta Akerbeltzek girotuko dute XX. Gazte Eguna

Erredakzioa 2018 mar 13 Urduña

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide