Bizkaiko Foru Aldundiko eta Apezpikutzako teknikariekin bildu zen atzo Urduñako Udala. Antzinako Andra Mari Ikastetxeko kanpandorreko zikoinen habien egoeraz mintzatu ziren, habietako bat lurrera erori baitzen asteartean. Ertzaintzak gunea hesitu zuen, segurtasuna bermatzeko.
Bilera baliatu zuten habien egoera aztertzeko eta, ondorioztatu zutenez, bik dute erortzeko arriskua, “eraikinetik kanpo ateratzen ari direlako”. Hori dela eta, premiazko txostena prestatuko dute Apezpikutzak eta Aldundiak, “hurrengo asteetan” leku aldaketa egitea helburu. Udalak ziurtatu du “uneoro” bermatuko dela “zikoinen zein jaiotzear dauden txiten ongizatea”.
Tokiko Erakundetik adierazi dute premiazkoa dela neurri hori ahal bezain laster egitea. “Gertu ditugu Otxomaio Jaiak eta normaltasunez egin nahi ditugu gaur egun itxita dagoen espazio erabilita eta herritarren zein bisitatuko gaituzten guztien segurtasuna bermatuta”, adierazi du Idoia Aginako alkateak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
