Igandean erregional 2. mailako taldea bihur daiteke CD Orduña

Aimar Gutierrez Bidarte 2018ko maiatzaren 22a

Berdinketa edo irabaztea lortuz gero erregional 2. mailako taldea izango da CD Urduña. / aiaradea.eus

Igandean Ariz futbol taldearen aurka neurtuko da Urduñako taldea Arbietoko zelaian. Zuri-gorriei berdinketa nahikoa zaie 2. mailara igotzeko. Klubak zale guztiei egin die deia igandean talde urduñarra animatzeko.

Bizkaiko ligan laugarren geratu ostean igoera fasean buru-belarri egon da CD Orduña. Igande honetan ebatziko da play off-en emaitza Arbietoko futbol zelaian jokatuko den partidan.

Talde Urduñarrak Ariz futbol taldea izango du aurrez aurre. Ariz hirugarren geratu zen Bizkaiko ligan baina Urduñarrak dira zenbakiak alde dituztenak. Izan ere, berdinketarekin erregional 2. mailan postu bat ziurtatuko luke talde zuri-gorriak.

Klubak zale guztiei egin die deia maiatzaren 27an 18:00etan Arbietoko zelaira gerturatu eta CD Orduñako jokalariak animatzeko igoera faseko azken txanpa honetan.

"Aurten bai"
Duela urtebete ere antzeko egoeran aurkitu zen CD Orduña. Ansioren aurka lehiatzea zegokion igoera lortzeko, berdinketak edo irabazteak maila igotzea ziurtatzen bazien ere jokalari urduñarrak igoeraren atarian geratu ziren.

Kirola Urduña

Erlazionatuak

Igandean irabazi edo berdinduta, mailaz igoko da CD Orduña

Izar Mendiguren Cosgaya 2017 mai 26 Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide