Orduña futbol klubak zenbait klubetatik bolo-bolo dabilen zurrumurrua gezurtatu du: "2018/2019 denboraldian ez da desagertuko gure emakumeen taldea". Azaldu dutenez, klubean 15 urte daramatzate emakumeen artean futbola sustatzen, "eta horrela jarraituko dugu". Maitane Sobrón ‘Txiti’, Emma Ferreira eta Ekiñe Zorrilla izan dira taldea uztea erabaki duten kideak.
Taldea, ziurtatuta
Gaizki-ulertuak saihesteko, zuzendaritzak argitu duenez, denboraldiz denboraldi hitz egin dute taldeko kide guztiekin: "Ez dago eragozpenik lan honekin jarraitzeko, hurrengo denboraldirako nahikoa jokalari ditugu. Denboraldi amaieran badira arrazoi ezberdinengatik futbola uztea erabakitzen duten kirolariak, baita gure klubera batzen direnak ere". Hori dela eta, emakumeen futbol taldean parte hartu nahi duen orori ireki dizkiote ateak, "beso zabalik itxarongo dugu". Izena emateko klubarekin jarri behar da harremanetan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
