Aiaraldeko Mugimendu Feministak argi utzi du: "Justizia gure eskuetan hartzera goaz"

Aimar Gutierrez Bidarte 2018ko urriaren 12a
Deskargatu Info Ahotsak :

Mobilizazio jendetsua egin du gaur iluntzean Aiaraldeko Mugimendu Feministak azken asteetan gertatutako eraso matxistak arbuiatzeko.

Ehunka lagun atera dira Urduñako kaleetara hiri horretako eta Amurrioko hainbat neska gaztek azken asteetan jasan dituzten eraso matxistak gogor salatzeko. Erasotzailea Urduñako mutil gazte bat dela adierazi du Aiaraldeko Mugimendu Feministak, "neska gazteak kaletik jarraitu eta iraindu ditu eta haien aurrean masturbatu egin da".

Eraso hauek kasu isolatutzat ez ulertzeko mezua zabaldu dute eragile feministek, "bizi garen jendartearen antolaketa sexista ahalbidetzen duen indarkeria delako".

Honen aurrean geldirik egongo ez direla adierazi dute, "apustu ausartak egiteko garaia dela" eta horrelako erasoei "autodefentsa feministaz" erantzungo dietela.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide