Neguko topaketa feminista egingo du Aiaraldea Ekintzen Faktoriak Urduñan

Izar Mendiguren Cosgaya 2019ko urtarrilaren 5a

Ekaineko topaketen ondorioak aurkeztuko dituzte Alondegian. / Aiaraldea.eus

Urtarrilaren 19an izango da jardunaldia, Alondegian. Solasaldia eta tailerra egongo dira, besteak beste.

Aiaraldea Ekintzen Faktoriako feminismo ildoak Neguko topaketa feminista prestatu du urtarrilaren 19rako. Urduñako Alondegian izango da hitzordua, 10:30etik 13:00etara. Umeentzat gunea egongo da, eta baita itzulpengintza zerbitzua ere. Zerbitzu horietarako, ordea, emailez eman beharko da izena, feminismoa@aiaraldea.eus posta elektronikora mezua bidalita.

Egitarauari dagokionez, 10:30ean izango da harrera, eta 11:00etan ekingo diote "Feminismoa ehuntzen 2.0" dinamikari. Hala, 2019an gauzatzeko plangintza aurkeztuko dute, ekaineko topaketa feministen emaitza. Atsedenaldiaren ondotik, "Feminismo birtuala" tailerra egongo da. Feminismoa Aiaraldean webgune bereziaren aurkezpena eta Aiaraldeko Intranet Feminista erabiltzeko ikastaroa egingo dira bertan.

Topaketan hizpide izango dituzte koordinazio eta saretzea, ahalduntzea eta komunikazioa. Indarkeria matxistari aurre egiteko ekintza plana ere aurkeztuko dute.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide