Hodeiren aldeko ikuskizuna taularatuko du Erauntsi dantza taldeak

Txabi Alvarado Bañares 2019ko urt. 30a, 07:00
Erauntsi dantza taldeko kideak, artxibo irudi batean.

Bi saio eskainiko dituzte otsailaren 17an Antzinako Andra Mari Ikastetxean.

Dantza emanaldi berezia eskainiko du Erauntsi dantza taldeak otsailaren 17an Antzinako Andra Mari Ikastetxean. Bi emanaldi eskainiko dituzte, 17:00etan lehena eta 19:00etan bigarrena. Sarrerak hiru euro balioko du, eta bilduko duten diru guztia bideratuko dute ataxia telangiectasia gaixotasunaren ikerkuntza finantzatzera. “Gaixotasun arraro bat da ataxia telangiectasia. Euskal Herrian bi umek baino ez dute, eta horietako bat gure auzokidea da, Hodei. 2 urte ditu eta Artomañanan bizi da”, azaldu dute dantza taldeko kideek.

Sarrerak Alondegian egongo dira salgai, ondorengo egun eta orduetan:

  • Urtarrilak 31, osteguna: 12:00etatik 13:30etara eta 18:30etik 20:00etara. 
  • Otsailak 1, ostirala: 11:30etik 13:00etara eta 18:00etatik 20:00etara.
  • Otsailak 4, astelehena: 18:30etik 20:00etara. 
  • Otsailak 6, asteazkena: 12:00etatik 13:30etara eta 18:30etik 20:00etara. 
  • Otsailak 8, ostirala: 12:00etatik 13.30etara eta 18:00etatik 20:00etara.
  • Otsailak 11, astelehena: 18:30etik 20:00etara.
  • Otsailak 13, asteazkena: 12:00etatik 13:30etara eta 18:00etik 20:00etara.

Dantza emanaldia ez da izango Urduñan Hodeiren alde egingo den ekintza bakarra. Egun osoko egitaraua prestatu dute otsailaren 10erako hiriko norbanako eta elkarte ugariren artean.

Kultura Urduña

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide