aiaraldea.eus

“Ingurua zaindu eta hobetzeko helburuarekin sortu dugu Bitxobola talde ekologista”

Erabiltzailearen aurpegia Izar Mendiguren Cosgaya   Ingurumena  Urduña

DAVID HOSKING Urduñako Bitxobola taldeko kidea da. Ingurumena zaintzeko helburuarekin sortu dute eragile ekologista, jendartean ohitura osasungarri eta errespetugarriak errotzeko.

“Ingurua zaindu eta hobetzeko helburuarekin sortu dugu Bitxobola talde ekologista”
Urduñako Bitxobola talde ekologistako kidea da David Hosking. / Aiaraldea.eus | Ikusi handiago | Argazki originala

Zein helbururekin sortu zenuten Bitxobola talde ekologista?

Gure ingurua zaindu eta hobetzeko helburuarekin osatu genuen talde ekologista, jendea toki hauetara hurbiltzeko. Urduñako ehun soziala sendotzea ere nahi dugu.

Kolektibo gisa, zertan nahi duzue eragin?

Inguratzen gaituen munduarekin harremana hobetu nahi dugu.

Zer nolako ekintzak antolatzen dituzue?

Batetik, ibai garbiketak. Baina horrez gain pare bat afari ekologiko antolatu ditugu, tokiko produktuak erabilita guztiontzat afari irekia prestatzea helburu izan dutenak.

Zergatik da garrantzitsua talde ekologista bat egotea hirian?

Jendarte gisa zeharo urrunduta gaude gure ingurune naturaletik. Hori ez da sanoa ez guretzat, ezta inguruarentzat ere. Ez badugu ingurua ezagutzen ez dugu zainduko.

Zenbat lagunek osatzen duzue eragilea?

Gaur egun 18 bazkide gaude.

Eta herritar gisa, zer nolako ohiturak nahi dituzue sustatu?

Lehenik eta behin, inguruarekiko ohitura osasungarriak eta errespetagarriak. Esate baterako, ez botatzea plastikoak lurrera, edo errekara. Baina hortik harago, jendea naturaren mundura gehiago hurbiltzea gustatuko litzaiguke.

Etorkizunari begira zer nolako erronkak dituzue esku artean?

Gure egiteko nagusietako bat taldera jende gehiago erakartzea da, ekintzak antolatzeko pertsona konprometituak behar baitira.

Zuen jardueren berri non jaso liteke?

Erreka garbiketaren kasuan, 50 lagun elkartu ginen. Sare sozialak erabili genituen zabalpenerako, Urduñako APPak eta Andra Mari Ikastetxekoak, eta betiko kartelak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa