Apirilaren erdialdean Covid-19 birusaren 4 positibo jazo ziren Urduñako nagusien egoitzan. Horren ondorioz, pertsona kutsatuak Birjinetxean artatu zituen Bizkaiko Foru Aldundiak.
Atzo, ordea, hiriko egoitzara itzuli ziren, gaixotasuna gainditu eta gero. Ongietorria antolatu zieten eta bertako langileek birusa atzean utzi duten lagunak omendu zituzten, txistulari eta dantzari banaren parte hartzerekin.
Bizilagunek Aiaraldea Komunikabideari adierazi diotenez, oso ekitaldi hunkigarria izan zen. Txistulariak, dantzariak, lore sortak eta txaloak izan zituen harrerak osagai. Hiru edo lau aldiz errepikatu zuten ongietorria, nagusi bakoitza anbulantzia banatan hurbildu baitzuten "etxera".
Apirilaren 27an test gehiago egin zituzten egoitzan eta emaitza guztiak izan zire negatiboak.
Argazkiak: Urduñako Udala
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide