"Urduña Hiria Herri Krosa bertan behera uztea erabaki dugu"

Iraileko azken asteburuan egiten zen lasterketa. / Aiaraldea.eus

Irailaren amaieran izan behar zen lasterketa, baina COVID-19a medio alboratzea erabaki du Arando taldeak.

Urduñako Arando Korrikalari Taldeak atzo jakinarazi zuen sare sozialetan aurten ez duela lasterketarik antolatuko. "Ez dugu argi nola antolatu beharko diren kirol lasterketak uda ondoren, eta horregatik erabaki dugu aurtengo Urduña Hiria Herri Krosa edizioa bertan behera uztea", adierazi dute. Iraileko azken asteburuan izan da 15 urtez zita.

Urduñako Elikagai Bankuari emango diote kamiseten salmenta bidez eskuratutako diru guztia

Hala ere, Arandok konpromisoa lasterketatik harago eramatea erabaki du: "Pertsona askorentzat oso momentu zaila izaten ari da. Horregatik, Arandotik kirol proba antolatu ordez kamiseta berezi batzuk jarriko ditugu salgai". Diseinuari arreta berezia jarri diete, "elkartasuna eta ahaleginaren bitartez edozein helmuga lor daitekeela" gogoratzeko. Urduñako Elikagai Bankuari emango diote kamiseten salmenta bidez eskuratutako diru guztia. 

"Ziur gaude Urduñarrek zein jarraitzen gaituzuen kirolari guztiek erronka berri honetan lagunduko gaituzuela", erantsi dute.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide