Urduñako animalien aterpeari laguntzeko deia luzatu du Saydi Lubanzadiok
Txabi Alvarado Bañares
2020ko abu. 26a, 07:00
Lola Indigo taldearekin kontzertuak eskaintzen ari da egunotan dantzari laudioarra.
Aiaraldean egon da asteburuan Saydi Lubanzadio Aldama dantzari laudioarra. Urduñan sortu berri den animalien aterpea bisitatu eta proiektua laguntzeko deia luzatu du bere Instagram kontuaren bidez (40.000 jarraitzaile baino gehiago ditu sare sozial horretan). "Boluntario beharra dute aterpean. Ederra izango litzateke Araba edo Bizkaian bizi bazarete bertara joan eta laguntzea edo dohaintzan zeozer ematea", adierazi du Lubanzadiok.
Lola Indigo talde ezagunean buru-belarri sartuta dago laudioarra. Uztailaren amaieran aurkeztu zuten abesti eta bideoklip berria Rvfv-rekin batera eta sei milioi bisitako langa gainditu du ikus-entzunezkoak:
Orain, aldiz, kontzertuak eskaintzeari ekin diote. Larunbatean -abuztuak 29- Iruñean egongo dira, Nafarroa Arenan.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
