"Zubia Urduñan" dinamikaren barruan jarduera ugari antolatu ditu Urduñako Udalak, turismo bulegoarekin elkarlanean. Argazki lehiaketa ere abiatu dute, esperientziak partekatzeko asmoz.
Egitarau oparoa prestatu du Urduñako Udalak abenduko lehen astebururako. Zubia dela-eta, hiru egunetarako jarduera sorta luzatu zieten herritarrei. Horietako batzuk bildu dituzte iruditan.
Eguraldia lagun izan ez badute ere, tokiko historiaz, kirolaz eta kulturaz gozatzeko paradarik ez da falta izan. Horren adibide dira 1980ko hamarkadako tebeoteka, Urduñako merkatarien historiari buruzko kontakizunen bisita, txakolindegia ezagutzeko aukera edota parapentean ibiltzeko hastapenen saioa. Horrez gain, Pitch & putt zelaian kirol hori probatzeko modua izan dute, aurrez izena emanda.
Urduñako Turismo Bulegoak ekimenaren balorazio positiboa egin du sare sozialetan: "Eskerrik asko Urduñako guztioi ate irekietako ekintzetan parte hartzeagatik. Hemen uzten dizkiziegu ekintzetako argazki batzuk. Ez ahaztu oraindik denbora duzuela argazkiak @ORDUNATURISMO instagramera #ZUBIAURDUÑAN erabiliz bidaltzeko, ostiralean egingo den loteen zozketarako".
Argazkiak: Urduñako Turismo Bulegoa
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide