Santiago erromeria bertan behera utzi dute, COVID-19a dela eta

Txarlazoko eskulturaren egoera egonkortzeko lanetan ari dira. / Aiaraldea.eus

Arreta eskatu diete Txarlazo mendira igoko diren herritarrei, Antzinako Andra Mariren Eskulturaren egoera dela eta. 

Bertan behera geratu da Santiago erromeria eta egun horretan antolatu ohi diren ekitaldiak. Hala jakinarazi du Urduñako Udalak. Jende pilaketak saihesteko hartu dute erabakia, COVID-19aren kutsatzeak ekiditeko. “Datorren urtean, baldintzarik onenetan, erromeria hau berriro ere ospatzea espero dugu”, adierazi du tokiko erakundeak. 

Mendizaleentzako oharra

Ostiralean zen ospatzekoa erromeria, Santiago Egunaren testuinguruan. Txarlazo mendira igotzeko ohitura dute hainbat herritarrek. Hori dela eta, ohar bateratua plazaratu dute Urduña eta Villalba de Losako udalek. “Izan ere, ekainean Txarlazo mendiko Antzinako Andra Mariren eskultura arrakalatu eta hainbat hormigoizko bloke erori ziren”, ohartarazi dute, “egoera horren aurrean ingurua hesitu da, egonkortze lanak gauzatu eta bisitarien segurtasuna bermatzeko”.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide