Aranzadik Urduñako udal hilerrian egin duen bigarren laginketan ez du emaitza eztabaidaezinik topatu

Aitor Aspuru Saez 2021eko urriaren 11

2014ko indusketen irudiak. / Aiaraldea.eus

Aranzadi Zientzia Elkartea Urduñara gerturatu zen irailaren 11n, udal hilerriko nitxoen ezkerraldeko korridoreetan laginak hartzeko. 1939tik 1941era hildako eta lurperatutako Urduñako Espetxe Zentraleko presoen gorpuzkiak zeuden baieztatzea edo baztertzea zen helburua.

Paco Etxebarria eta Lourdes Herrasti buru zuen lantaldeak iltzeak eta hilkutxen zurezko hondakinak aurkitu zituen indusketetan, baina ez zuten beste hondarrik topatu.

Hala ere, banakako ehorzketak egon zirela egiaztatu zen, eta horien gorpuzkiak uneren batean beste leku batera eraman zirela. Dena den, momentuz, ez dakite horiek espetxeko biktimekin bat datozen edo bestelako lagunenak ziren.

Hori ez da izan Aranzadi Zientzia Elkarteak egindako lehen lana Urduñako hilerrian. Izan ere, 2014an beste kanpaina bat burutu zuten eta 14 pertsonen hezurrak aurkitu zituzten, Frankismoaren errepresioaren biktimenak, hain zuzen. Horren ostean, Urduñako Udalak konpromisoa hartu zuen egitasmoarekin jarraitzeko.

Historia Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide