Adingabeen zentroko gazteek eman diete hasiera Urduñako Ondarearen Europako Jardunaldiei

Erredakzioa 2021eko urriaren 10a
Deskargatu Info Ahotsak :

Urduñako adingabeen zentroko gazteek eman diote hasiera Ondarearen Europako Jardunaldien barruan hirian egingo den ekintza sortari. Te zeremonia eskaini zuten atzo (larunbata) Foru plazan. Dozenaka herritar bertaratu ziren gazteekin egotera. 

Hain zuzen, kulturartekotasuna izango da aurtengo jardunaldien ardatz nagusietako bat. Udalak nabarmendu duenez, 39 jatorri baino gehiago pertsona bizi dira Urduñan. Gauzak hala, aniztasun hori guztia azaleratzera bideratuko dituzte jardunaldiak. 

Hauek dira urrian zehar hirian egingo diren beste ekintzak:

MUNDUKO MUSIKAK URDUÑAN

Urriaren 16an, larunbatean, 17:00etatik 18:30era. Familia Sakratua elizan (Txefos).

Gospela, ijito gitarra eta kantua, Andeetako soinuak eta tinbal berbereak.

URDUÑAKO KOMUNITATEAK: BIZIPEN-ONDAREA

Urriaren 14an, ostegunean, 19:00etan. Alondegian.

ADRAtan elkarteak gidatutako hitzaldi-solasaldia.

URDUÑA IRISGARRI!

Urriaren 23an, larunbatean, 11:00etan eta 13 00etan. Turismo Bulegoak antolatuta.

Ikusmen-, kognizio- edo entzumen-zailtasunak dituzten pertsonentzako bisita gidatua.

Argazkiak: Antonio Muñoz

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide