URDUÑAKO AUZOLAN DINAMIKA

Jai Alai frontoiari kolorea eman diote urriko auzolanean

Barandak eta hormak margoztu dituzte, besteak beste. Oraindik ez dute zehaztu hurrengo zita, baina Lanbide Heziketako eraikinean jarri dute begirada.

Auzolana egin dute gaur Urduñako Jai Alai udal pilotalekuan. Frontoiko barandak eta hormak margotu dituzte, eta kanpoaldeko horma ere garbitu dute, armiarma-sarez beteta zegoelako.

Auzolan taldeko kideek positiboki baloratu dute eginiko lana, nahiz eta ez dien denborarik eman aurreikusitako guztia egiteko. "Hamar lagun bildu gara eta giro ona egon da", adierazi du taldeko kidea den Eneko Calejero Beldarrainek.

Hurrengo urratsak

Calejerok azaldu du oraindik ez dutela zehaztu non egingo duten datorren hilabeteko auzolana, baina aurreratu du Lanbide Heziketako eraikina atondu nahiko luketela, bertako kultur elkarteko kideekin elkarlanean. "Hala ere, oraindik ez dago ezer zehaztuta. Azaro erdialdean egingo dugu bilera eta bertan adostuko dugu zer egin".

Urtebeteko ibilbidea

Urte hasieran aktibatu zen berriro Urduñako Auzolan taldea. Udaberrian hasi ziren martxan, eta ordutik hona hainbat ekimen egin dituzte. Hilero egiten dute bilera irekia eta bertan erabakitzen dute hilabete horretan zer egin:

Argazkiak: Urduñako Auzolan taldea

Erlazionatuak

Auzolana lanabes, hiria hobetzea ipar

Urduña

Auzolana egin zuten iragan larunbatean - maiatzak 29- Urduñan, La Muera deritzon zonaldeko parkea atontzeko.  Aiaraldea Komunikabidea b...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide