Athletic Clubarekin Arbieton berdindu eta gero, CD Orduñako jokalariek helburu argia jarri zuten: Bizkaiko 1. mailara igotzeko promozioan egotea. Bere multzoko ligaxka amaituta, lehen bost sailkatuen artean agertzea lortu dute eta horrela egingo dute.
Bidea, ordea, ez da erraza izan. Arbieto euren gotorlekua izan ostean, 1-3 galdu zuten etxean urtarrilaren erdialdean Basauriko Kimuak klubaren kontra eta horrek behartu zituen euren markak hobetzera Urduñatik urrun.
Zorionez, urduñarrek 0-10 irabazi zuten kanpoan, Ibaiondo menpe hartuta, eta etxeko bi partidetan ez zuten kale egin. Inter Zogorri aise gainditu zuten 11-0 irabazita eta azkenengo jardunaldian 2-1 gailendu ziren Mungiaren aurka.
Esan bezala, orain promozio igoera izango dute eta Bizkaiko 2. mailako beste multzoko lehen bost sailkatuak izango dituzte aurrez aurre. 3 talde igoko dira guztira.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide