Goizetik iluntzera makina bat ekintza egin dituzte Urduñan, Emakumeen Nazioarteko Eguna ospatzeko. Arratsaldean pilatu da jende eta jarduera gehien. Besteak beste, Aiaraldeko Mugimendu Feministaren historiari buruzko erakusketa estreinatu dute.
Goizean hasi dute Urduñan martxoaren 8ko ospakizun segida. Egun osoko egitaraua prestatu du Parekidetasun Batzordeak berdintasuna eta feminismoa aldarrikatzeko. Egunaren lehen txanpan nagusiak izan dira nagusi, Izaskun del Cerro bizilagunaren dantza saioa izan baitute frontoian.
Arratsaldean, aldiz, Foru plaza izan da programazioaren lekuko. 17:00etan txokolate jana eskaini dute, eta segidan bingo feminista egon da. Hala, ikuspegi feministadun euskarazko kantekin aritu dira jolasean bertaratutako hamarnaka lagun.
Gainera, Aiaraldeko Mugimendu Feministaren historiari buruzko erakusketa jarri dute bainuetxeko arkupeetan, Bor-bor elkartearen eskutik. Horrez gain, pankarta eusteko txanda maratoia antolatu dute: 15 minuturo pertsona talde desberdin batek heldu du aldarri mezua. Iluntzean, Kaittin Allende bakarlariaren emanaldia egon da bainuetxean.
Argazkiak: Izar Mendiguren Cosgaya, Irati Mendiguren Cosgaya eta Antonio Muñoz
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide