Otxomaio jaien egunik esanguratsuena da, berez, maiatzaren 8a. Ospakizunari izena jartzen dion eguna da, eta Urduñako Antiguako Andra Mari omentzeko baliatzen da.
Horretara joan dira gaur ehunka herritar Antiguako santutegira. 10:30ean abiatu da agintarien desfilea bertara, Foru plazatik abiatuta. Handik ordu erdira egin da meza. Itziar Biguri alkateak hartu du hitza bertan, tradizioari jarriki, hiriaren botoak berritzeko.
12:30ean erraldoi eta buruhandien kalejira egon da, Bihotza Konpartsaren eskutik. Arratsaldean, aldiz, euskal dantzen alardea egon da eskola publikoko jolastokian, Erauntsi Dantza Taldeko kideen eskutik.
Jarraian, Jamaixa Show berbenaren emanaldia hasi da Foru plazan.
Bihar, umeen eguna
Bihar umeak izango dira protagonista. Batibonba eta buruhandien kalejira, herri bazkaria eta DJ Xaiborren emanaldia izango dituzte, besteak beste. Hemen ikusi daiteke egitarau osoa.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide