Igandea ez zuten atsedenerako egun soil bilakatu atzo Urduñan. Hiriko jaiak izanik, makina bat ekintza egon ziren goizetik gauera arte. Goizean Saratxo izan zen protagonista, ohiko agintarien desfile eta ekitaldiarekin. Gainera, lehenbiziko putxera lehiaketa antolatu zuten, eta Foru plazan Taberna ibiltaria taldearen emanaldia ere izan zen.
Ohiturei eutsiz, Bihotza erre ostean, piloian bainatu ziren zenbait bizilagun
Arratsaldean, aldiz, Puro Relajoren rantxera doinuek dantzan jarri zituzten zale guztiak. Jendetza batu zen erdigunean arratsalde osoan zehar, ahalik eta Deabru Beltzen ikuskizunak festak sutan urtu arte.
Bihotzaren erreketari ekin zioten segidan. Baina, horren aurretik, Erauntsi dantza taldearen bi piezez gozatzeko aukera izan zuten bertaratutako guztiek. Ohiturari jarraiki, piloian bainatu ziren zenbait bizilagun ondoren.
Horrenbestez, 2022ko Otxomaio jaiak agurtuta, 2023ko maiatza arte itxaron beharko dute urduñarrek Bihotzari berriro ongietorria emateko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide