Ataxia-telangiektasia gaixotasunaren aurka dirua biltzeko elkartasun jaialdia antolatu du AEFAT elkarteak Urduñan. Besteak beste, Reincidentes, Moonshine Wagon, En Tol Sarmiento eta Modus Operandi taldeak arituko dira. Aiaraldea Komunikabideak lau sarrera bikoitz zozkatuko ditu. Hemen eman daiteke zozketan parte hartzeko izena.
Ekainaren 24an eta 25ean egingo dute Festi AEFAT jaialdiaren I. edizioa. Ataxia-telangiectasia gaixotasuna ikertzeko dirua biltzeko asmoz egingo da jaia eta hainbat babesle izango ditu, Urduña, Amurrio eta Ugaoko udalak, besteak beste. Reincidentes, En Tol Sarmiento eta Modus Operandi taldeek joko dute Urduñako autokarabanen aparkalekuan atondu duten jai-eremuan.
Musikaz gain, bestelako ekintzak ere prestatu dituzte asteburua elkartasunez girotzeko: kalejirak, tortilla lehiaketa, haurrentzako jolasak...
Lau sarrera bikoitz
Aiaraldea Komunikabideak kontzertuetara joateko lau sarrera bikoitz zozkatuko ditu irakurleen artean. Hemen eman daiteke zozketan parte hartzeko izena. Irabazleen izenak ekainaren 24an iragarriko dira, 12:00etan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
