Marmitakoa eta Euskal Kanten Topaketa, Koroatze Jaien osagai nagusiak

Abesbatza ugari elkartuko dira Koroatze Jaietan. / Aiaraldea.eus

Irailaren 4an eta 11n ospatuko dituzte Urduñan Koroatze Jaiak. Marmitako Txapelketa eta VII. Euskal Kanta Herrikoien Topaketa izango dira bi igandeetako ekintza nagusiak.

Urduñak iraileko lehenengo bi asteburuetan ospatuko ditu Koroatze jaiak: irailaren 4an eta 11n. Marmitako Txapelketa eta VII. Euskal Kanta Herrikoien Topaketa izango dira egun horietako osagai nagusiak.

Marmitako Txapelketa

Irailaren 4an XXII. Marmitako Txapelketa ospatuko dute Foru Plazan, Igel Abestokia Txokoak antolatuta. Lehiaketa gastronomikoa Bizkaiko Txapelketaren barruan egongo da kokatua, eta parte hartzaileak 9:00etan hasiko dira lapikoak prestatzen.

Urduña kantuz jantziz

Irailaren11n VII. Euskal Kanta Herrikoien topaketa egongo da. Bertan, Laudioko Arloteek eta Santa Luzia abesbatzak, Deustoarrak Abesbatzak, Ugarte otxote amurrioarrak eta Urduñako Oilarrak taldeak hartuko dute parte; Jose Laña zuzendariaren gidaritzapean egongo den Santa Zezilia musika bandarekin batera.

Talde bakoitzak kanta bana abestuko du Foru Plazako kioskotik, eta jarraian Xalbadorren Heriotzean kantatuko dute Santa Zezilia bandaren laguntzaz. Horren ostean hiriko kaleetatik banatuko dira eguerdia musikaz girotzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide