Urduñako Udalak balorazio oso positiboa egin du indusketa kanpainari buruz, errepresioaren biktimen 53 gorpuzkin azaleratu baititu. Bereziki, pozik agertu da erakundea elkarlanean oinarritu delako egitasmoa, boluntarioen, herritarren eta Aranzadi Zientzia Elkartearen eskutik. Horrez gain, aipatu beharra dago egitasmoa nazioarteko esparruko zenbait komunikabidEetan agertu dela.
Urduñako Udalak balorazio positiboa egin du kanpainari buruz. Ez bakarrik 53 pertsonen gorpuzkiak topatu direlako (saiatuko dira euren senideei itzultzen eta horretarako aukerarik ez dagoen kasuetan, Duintasunaren Kolunbarioan geratuko dira), baizik eta auzolan handiaren emaitza izan delako guztia.
Aranzadi Zientzia Elkartearen lana bultzatu dute Udalak, Gogora Institutuak eta hainbat boluntariok, 25 inguru. Azken hauek hilerriko lanetan lagundu dute. Halaber, erakundeak gogoratu du aukera izan dutela kanpaina egiteko hiriko 96 familiek baimena eman zutelako euren senideen horma hobiak mugitzeko, indusketak horien azpian egin baitira: "Udalak eskerrak eman nahi dizkie inplikatutako familiei beste behin ere, erakutsitako enpatia eta ulermenagatik".
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
