Urduñako Udalak Arabako eta Bizkaiko foru aldundiei eskatu die Aiaraldetik Usansoloko ospitalera heltzeko zerbitzu zuzena egoteko egin beharreko kudeaketak egin ditzatela. Aiaraldeko Pentsiodunen Mugimenduak mozioa aurkeztu zuen Urduñako Udalean, ospitalera iristeko zuzeneko autobusa eskatuz.
Aho batez onartu zuten mozioa osteguneko osoko bilkuran EAJ eta EH Bildu udal taldeen aldeko bozkekin. Testuaren bidez, pentsiodunek Usansoloko Ospitalera joateko garraio publikoa ezarri dadin eskatzen dute. Izan ere, Aiaraldeko herritarren erreferentziazko ospitalea da baina ez dago eskualdetik bertara doan autobus propiorik.
Urtarrilean agerraldia egin zuen Aiaraldeko Pentsiodunen Mugimenduak autobus-zerbitzu zuzena eskatzeko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
