Jeltzale ugari elkartu ziren atzo Urduñako Batzokian EAJren ekitaldian. Iker Santolices alkategaia, Iñaki Cuadra alkategai ohia eta Iñigo Iturrate parlamentaria izan ziren agerraldiaren buru, eta zerrenda osoa aurkeztu zuten.
Ekitaldi politikoa egin zuen atzo EAJk Urduñako udal hauteskundeetako zerrenda aurkezteko. Batzokian aurkeztu zituzten zerrendakideak, Iñaki Cuadra azken urteetako alkategaiak eta Iñigo Iturrate parlamentariak lagunduta.
Iker Santocildes izango da EAJren alkategaia Urduñan eta jeltzaleek Bizkaiko hiriko alkatetza berreskura dezaten ahaleginduko da. “Urduñak pairatutako hamabi urteko autoritarismoa” deitoratu du eta azpimarratu du “Urduñarako proiekturik onena” dela eurena.
Iñigo Iturratek zerrendakideen prestakuntza eta prestutasuna azpimarratu zituen. Adierazi zuen jende gaztea baina oso prestatua direla, eta Urduñara “aire freskoa” eramateko gogotsu daudela. Herritarrekin lan egiteko gaitasuna eta gainerako erakunde publikoekin dituzten harremanak azpimarratu zituen, eta Eusko Alderdi Jeltzalearen indarguneak gogorarazi: “Indarra, efikazia eta zintzotasuna”.
Iñaki Cuadra ere egon zen ekitaldian, azken hiru legegintzaldietan Urduñako alkategai izandakoa. Aurten Bizkaiko Batzar Nagusietan izango da hautagai.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
