Tradizioa eta bizilagunen arteko jai-giroa nagusi otxomaioen egun nagusian

Erredakzioa 2024ko mai. 8a, 18:00
Deskargatu Info Ahotsak :

Ohiko agintarien desfilea egin dute goizean Antzinako Andra Mari Santutegira eta Iñigo Urkullu lehendakaria bertaratu da zitara, beste ordezkari instituzional batzuekin batera.

Asteburuetan pilatzen da jende gehien Urduñako otxomaioetan. Baina, berez, ospakizunaren izenak dioen bezala, gaur da egun nagusia, maiatzaren 8a. Tradizioa izan da nagusi goizean zehar, urteroko agintarien desfilea egin baitute Antzinako Andra Mari Santutegira. Ordezkari instituzional ugari bertaratu dira ekitaldira, Iñigo Urkullu lehendakaria tartean.

Eguerdian eta arratsaldean, aldiz, jai giroa nagusitu da hirian, egun hau parranda eguna delako urduñarrentzako. Kuadrilla asko geratzen dira elkarrekin bazkaldu eta festa iluntzera arte luzatzeko. 

Igandera arte luzatuko dira hiriko festak, makina bat jarduerarekin. Hemen ikusi daiteke egitarau osoa.

Argazkiak: Urduñako Udala

Kultura Urduña

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide