Haurrentzako jarduerak eta tradizioa nagusi otxomaioetan

Erredakzioa 2024ko mai. 9a, 18:48
Deskargatu Info Ahotsak :

Haurrentzako jarduerak egon dira egun osoan, baina eguerdian izan da ekitaldi instituzional nagusia: Arrastariako agintarien erromesaldia. 

Haurrentzako jarduerak eta tradizioa uztartu dituzte gaur Urduñako Otxomaio jaietan. Umeentzako ekintzak nagusitu dira egitarauan: jolasak egon dira goizean Foru plazan, bazkaria gero toki berean, eta arratsaldean prezio murriztua ezarri dute barraketan. 

Hala ere, ekitaldi instituzional nagusia eguerdian izan da: Arrastariako agintarien erromesaldia Antzinako Andra Mari Santutegira. Urtero bezala, Urduña zein Amurrioko alkateek hartu dute parte ekimenean, Arrastariako agintariekin eta bestelako ordezkari instituzionalekin batera. 

Bihar hasiko da otxomaioetako bigarren asteburua, eta igande gauera arte luzatuko da giroa hirian. Hemen ikus daiteke egitarau osoa. 

Argazkiak: Urduñako Udala

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide