Otxomaioetako ekintzen %31,14a izan euskara hutsez edo nagusiki euskaraz, Udalak eginiko sailkapenaren arabera

Txabi Alvarado Bañares 2024ko mai. 13a, 19:10

Atzo amaitu ziren Otxomaio jaiak. / Aimar Gutierrez Bidarte

Tokiko erakundeak bat egin du Aiaraldeko Euskalgintza Kontseiluak abian jarritako Euskararen Semaforoa tresnarekin, eta horren arabera sailkatu ditu atzo amaitutako festetan egondako jarduerak. 

Aurtengo Otxomaio jaietan eginiko ekintzen %31,14a izan da euskaraz hutsez edo nagusiki euskaraz. Hori ondorioztatu daiteke Udalak eginiko sailkapena ikusita. Tokiko erakundeak bat egin du Aiaraldeko Euskalgintza Kontseiluaren Euskararen Semaforoa tresnarekin, eta egitasmo horren irizpideen arabera sailkatu ditu egitarauko jarduerak.

Udalak 61 ekintza mailakatu ditu guztira hizkuntza irizpideak jarraituta, programan jasota zeuden ia guztiak. Jarduera bakan batzuk utzi ditu zenbaketatik kanpo, hizkuntzaren arabera sailkatzeko zailak direlako (buruhandien kalejira edota saskibaloi partiduak kasu). Hemen ikus daiteke programa osoa, eta ekintza bakoitzaren alboan dago markatuta Udalak emandako sailkapena.  

Zenbateka horren arabera, jardueren %22,9a izan da erdaraz, eta egitarau osoaren %40,9 elebiduna izan da:

Aiaraldeko Euskalgintza Kontseiluak bi urte daramatza Urduñako jaietan euskarak duen presentzia aztertzen. Hemen ikus daiteke 2022ko eta 2023ko datuen araberako alderaketa.

Aiaraldea Komunikabideak datozen herrietako jai guztietako egitarauak aztertuko ditu, euskararen presentzia zenbatekoa den ikusteko. Egitaraua Euskararen semaforoaren arabera sailkatuta badago, irizpide hori baliatuko da zenbaketa egiteko. Bestela, berea propioa egingo du komunikabideak, jarduera bakoitzaren ezaugarriak aztertuta. 

Eskualdeko udalerri gehienek egin dute bat jaietan euskararen presentzia sustatzeko Euskalgintza Kontseiluak abian jarritako ekimenarekin. Apirilaren amaieran egin zuten hori iragartzeko ekitaldia, Aiarako Jaien atarian:

Jaietako gorabeherak

Euskararen Semaforotik harago ere, zeresana eman du euskararen presentziaren gaiak otxomaioetan. Festen lehen asteburuaren ostean, oharra plazaratu zuen Euskalgintza Kontseiluak, Bihotza Konpartsaren txosna hizkuntza irizpideak urratzen ari zela salatu eta Udalari neurriak hartzea eskatzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide