Asteazkenean zendu zen Jon Partera Basurko artziniegarra, trafiko istripu batean. Bertako Udalak eman du heriotzaren berri, eta doluminak eman dizkie senide eta lagunei:
Artziniegako mugak gainditu ditu saminak, Urduñaraino iritsiz. Izan ere, Parterak hamarkada bat baino gehiago zeraman Kalebarriako jaietan aktiboki parte hartzen, festa horietako ekitaldi nagusienean gainera. Bera arduratu da orain arte Morrillonaren jaitsierarako tirolina prestatzeaz. Pertsonaia hori urtero botatzen da Bainuetxe hoteletik, behean dauden umeei gozokiak botatzen dizkien bitartean.
Aurten ere Morrillonak ez du hutsik egingo, baina ez du ohiko jaitsiera egingo. "Balkoira igoko naiz eta gero plazara jaitsiko naiz umeei gozokiak banatzera, tirolina baliatu gabe", azaldu du Carlos Bergado Ruizek, urtez urte jaietako pertsonaia hezur haragitzeaz arduratu den urduñarrak. Parterari omenaldia egiteko baliatuko dute ekitaldia. Horretarako, bere argazkiak eta loreak jarriko dituzte plazan.
Hiru eguneko egitaraua
Morrillonarena ekintza nagusia izango den arren, ez da bakarra izango. Abuztuaren 14tik 16ra luzatuko dira Kalebarriako jaiak, eta giroa goizetik gauera arte luzatuko da egun guztietan.
Abuztuak 14, asteazkena
16:00 // Txupinazoa Benita Zazpi Zapirekin
17:00 // Gynkana bizikletekin
Ekarri zure bizikleta, kaskoa derrigorrezkoa izango da
19:00 // Haurrentzako entzierroa zezen zikloekin
Patata-zuritzaileen VI. lehiaketa
21:30 // Zine Zuma
23:00 // San Rokeren bingo herrikoia
Abuztuak 15, osteguna
11:00 // Bonba eta suziriak jaurtitzea
11:30 // Buruhandiak askatzea
13:00 // Txapela jaurtitzeko txapelketa
14:30 // Auzotarrentzako bazkaria
17:00 // Mus txapelketa
18:00 // Pin pan pun piñatak apurtzea!!
19:00 // Igel txapelketa
19:30 // Nicolas Chevalie & Señor Gonzales
Magia, umore eta sabel-hiztun emanaldia
20:30 // Morrillonen bilaketa eta harrapaketa
21:00 // Morrillonen jaitsiera eta Jon Partera Basurkori omenaldia
21:30 // Barbakoa herrikoia
22:00 // Musika DJ Juanmarekin
00:00 // Suzko zezena
00:15 // Musika DJ Juanmarekin
Abuztuak 16, ostirala
10:00 // Goizeko diana, traka eta suziriekin
10:30 // Lore eskaintza
12:00 // Musika-girotzea trikitiarekin
12:30 // Meza Buen Suceson
Gure nagusien omenaldia eta hamaiketakoa
13:30 // Aurreskua eta brindisa
San Rokeren irudiaren aurrean
15:30 // Nagusiei bisita
Udal egoitzan, txokolate eta trikitiarekin
17:00 // Haurrentzako jolasak
18:30 // Txokolatada
19:00 // Buruhandiak askatzea
20:00 // Zozketa: San Roke miraria
20:30 // Jai-amaierako traka