Maspalomas pelikularen eszenatoki bilakatuko da Urduña. Izan ere, Antiguako pasalekuan kokatuta dagoen Mariaren Konpainia eraikina zahar-egoitza bilakatuko dute filmaren pasarte batzuk grabatzeko. Moriarti Produkzioak ekoiztetxea arduratuko da filma ekoizteaz eta Jose Mari Goenaga eta Aitor Arregi arituko dira zuzendari lanetan.
Urduñarrek ere lekua izan ahalko dute pantaila handian. Izan ere, proiektuan interesa duten herritarren parte hartzea eskatu dute, eta horretarako, Erretiratuen Etxean egongo dira ostiralean, hilaren 20an, goizeko hamaiketatik aurrera. Informazioa emateaz gain, argazkiak aterako dizkiete parte hartzeko interesa dutenei.
Honako hau ez da izango azken boladan Urduña zinema-plato bihurtzen den lehen aldia. Izan ere, azken bi urteetan Karmele, 8 eta El Bus de la Vida pelikulak filmatu dituzte hirian. Azken horren aurrestreinaldia egin zuten Foru plazan uztailean, eta ehunka herritar bertaratu ziren pelikulaz zein ondorengo musika emanaldiaz gozatzera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
