Urduñan bizi diren kultura anitzen laginak ezagutzeko aukera egongo da bihar, dantza, musika eta gastronomiaren bitartez, bereziki. Foru plaza hartuko dute horretarako eta Bolivia, Nikaragua, Ekuador, Honduras, Peru eta Euskal Herriko adierazpen kulturalak egongo direla ziurtatu dute.
Dena den, gogoratu beharra dago topaketa hauetan Kolonbia, Paraguai, Uruguai, Venezuela, Mexiko, Sahara, Aljeria, Maroko, Senegal, Guatemala eta Nigeriako herritarrek ere parte hartu dutela.
Izan ere, ez da lehen aldia horrelako ekitaldia antolatzen dutela, eta egun osoko egitaraua prestatuko dute:
- 12:30 // Txupinazoa buruhandiekin
- 13:00 // Kulturarteko sukaldaritza eta plateren dastatzea
- 13:30 // Euskal dantzak
- 17:00 // Kalejira arratsaldean plazan dantzatuko duten taldeekin: Bolivia, Nikaragua, Ekuador, Honduras, Peru eta Euskal Herria
- 18:00 // Dantza erakustaldia
- 19:30 // Areto dantzen klaseak
- 20:30 // Kontzertuak eta DJak
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
