Euskarabentura eta Galtzaundiko kideek, Leo Buriberi komunikatzaileak eta Julen Axpe umoregileak hartuko dute parte Aiaraldeko gazteen euskara topaketan, bihar

Erredakzioa 2024ko azaroaren 22a

Faktorian egin zuten topaketen lehen edizioa 2022an. / Aiaraldea.eus

Aiaraldeko Euskalgintza Kontseiluak eta Urduñako Gazte Asanbladak antolatu dute zita.

Aiaraldeko gazteen euskara topaketa egingo dute bihar Urduñan. Arratsaldeko bostetan hasiko dute ekimena Alondegian, solasaldi batekin. Lau gaztek hartuko dute hitza bertan: Irune De la Maza Olagorta eta Alaitz Elizburu Agirre Euskarabenturako kideek, Leo Bueriberi komunikatzaileak eta Josu Lizarralde Berañan Galtzaundi euskara taldeko ordezkariak.

Solasaldiaren ostean, bakarrizketaz gozatzeko aukera egongo da Foru plazan, Julen Axpe umoregilearen eskutik.

Biharko jardunaldiekin berotuko dituzte motorrak datorren asteburuan egingo den Aiaraldeko Euskararen Egunari begira. Aurten Arrankudiaga-Zollon izango da ospakizuna, abenduaren 1ean (igandea), eta goizetik arratsaldera arte luzatuko da egitaraua.

Aiaraldeko Euskalgintza Kontseiluak hiru urte daramatza gazteei bideratutako jardunaldi hauek antolatzen, tokian tokiko eragileekin elkarlanean. Faktorian egin zuten lehen edizioa eta Amurrioko Gaztetxean bigarrena:

Euskara Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide