Urduñako herritar bat Radio Nervion irratiarekin jarri da harremanetan jakinarazteko norbaitek amuak dituzten saltxita zatiak bota zituela kalean, txakurrek jan ditzaten.
Antza, urduñarra paseoan ari zen bere maskotarekin Antiguako auzoan eta konturatu zen animaliak zerbait jan zuela lurretik. Ez zekienez zer zen, botaka eragin zion eta behin janaria jasota, sumatu zuen haragi zatiaren barruan amu bat zegoela.
Txakurraren jabeak adierazi du komenigarria dela jendea arretaz ibiltzea horrelako arazoak ekiditeko.
Urduñarrak berak irratian azaldu du Ertzaintzarekin harremanetan jarri dela eta poliziak aipatu ziola adi egongo zirela. Aiaraldea Komunikabideari Ertzaintzak berak esan dionez, berez, ez dago momentuz gertakariari lotutako salaketa ofizialik Laudioko Ertzain Etxean.
Edonola ere, ez da hau azken urteetan jazo den modu horretako gertakari bakarra. Izan ere, hainbat animali zauritu eta hil dira horrelako ekintzen ondorioz.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
