CD Orduñak aukera bakarra izango du asteburu honetan Lurraldeko Bigarren Mailan jarraitzeko eta horretarako ezinbestekoa izango du irabaztea.
Hori lortuta, ez dena erronka txikia, bi aukera egongo lirateke: edo zuzenean kategorian geratzea edo play offa jokatu behar izatea horretarako.
Edonola ere, CD Orduñak ezingo du kale egin. Izan ere, beste bi talderekin ari da borrokan horretarako: Mungia eta Sondika.
Mungiak larunbatean irabazi zion Arbieton eta horri esker puntu bateko abantaila eskuratu du. Sondikak, aldiz, hiru puntuko tartea dauka bere alde CD Orduñarekin.
Horregatik, azken jardunaldia hil ala bizikoa izango da hirurentzat. Hain zuzen, Mungiak eta Sondikak elkarren kontra jokatuko dute. Sondikak gutxienez berdintzea beharko du. Sailkapenean berdinduko balu CD Orduñarekin, aiaraldearren alde dago gol averagea. Mungiak ere irabaztea behar du, CD Orduña atzean uzteko.
Larunbatean pasilloa harrobiko talde txapeldunei
Larunbatean Arbieton CD Orduñak eta Mungiak txapeldunen pasilloa egin zieten tokiko bi talderi: 2016ko benjaminei eta 2011ko haurrei.
Biek lortu dute euren txapelketak irabaztea eta aitortza jaso zuten euren futbol zelaian.
Argazkiak: Chris Gomez Dominguez