Daniel Monzon zinemagileak aste ugari daramatza Urduñan Ruega por nosotras filmaren hainbat eszena grabatzen. Azken egunetan hainbat trafiko mozketa egin dituzte Foru plazaren inguruetan, bertan ari baitira lanean.
Asteartean bizi izan zen grabaketa unerik ikusgarrienetako bat, Gabonetako giroa eraman baitzuten Foru plazara, elur artifiziala eta apaingarriak baliatuta.
Andra Mariako Konpainiako Eskola da filmaren epizentroa. Frankismo garaiko emakumeentzako erreformatorio bat irudikatu dute bertan, zentro horietako bizimodua kontatzen baitu pelikulak.
Zinemagile entzutetsua da Daniel Mozon. Zortzi Goya eskuratu zituen Celda 211 filmagatik eta beste bost, aldiz, Las leyes de la frontera lanarekin.
Ikus-entzunezko lan andanaren plato bilakatu da Urduña azken urteetan, hiriak duen erakargarritasuna eta Aldundiak ezarritako hobari fiskalak medio. Hain zuzen, foru erakundeak ekainean iragarri zuen zinema estudioa eraikiko duela hirian.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
