AZKEN ORDUKOA

Urduñako igerilekuak itxi dituzte uretan gorotz berri bat aurkitu ostean

Aimar Gutierrez Bidarte 2025eko abuztuaren 8a
Deskargatu Info Ahotsak :

Uda honetan hainbatetan errepikatu da egoera. / Aiaraldea.eus

Uretan gorotza aurkitu dute igerilekuko erabiltzaileek, eta azpiegitura itxi behar izan dute. Uda honetan hainbatetan errepikatu den egoera da honako hau.

Urduñako igerilekuak itxi egin dituzte, uretan norbaitek kaka egin duelako berriro. Gaur eguerdian aurkitu dute gorotza uretan eta igerilekuetako arduradunek azpiegitura itxi dute. Uda honetan hainbatetan errepikatu den egoera da honako hau. Tokiko Gobernuko kideek Aiaraldea Komunikabideari azaldutakoaren arabera, gizon nagusi batek izandako istripua izan da gaurkoa.

Behin azpiegitura itxita 6-8 ordu bitarteko garbiketa lana dagoela aurretik azaldu du Uxue Mendibil zinegotziak. Orain igerilekua robot automatikoarekin garbitu, berriz kloratu eta klorazio maila konpentsatu arte itxaron beharko dute erabiltzaileek. Udalaren nahia bihar goizeko lehen ordurako zerbitzua berriz ere martxan egotea da.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide