Ehunka lagun bildu ziren atzo Urduñako Foru plazan, Otxomaioen lehen zatian gertatutako “eraso matxista larriak” salatzeko. Jaiak koordinatzeko mahaiak deitu zuen protesta, “elkartasuna eta babesa” erakusteko erasoak jadan dituzten emakumeei, eta “argi” uzteko "ez dagoela inolako justifikaziorik indarkeria matxistarako". Elkarretaratzean aldarrikatu zutenez, indarkeria matxistak “ez du tokirik Urduñan”, eta “erantzun kolektiboa” artikulatzeko deia luzatu zuten horren aurka borrokatzeko.
Era berean, gogorarazi zuten badaudela “arretarako eta laguntzarako baliabideak”, jaietarako propio prestatu direnak, puntu morea edota txosnetan aktibatutako protokoloa kasu.
Jaien antolatzaileek bereziki garrantzitsutzat jo dute “komunitate gisa” erantzutea, , "elkar zainduz eta indarkeria matxistarekiko zero tolerantziarekin". Horregatik, “udalerri osoari” eskatu diote “konpromisoa hartu dezan errespetuan eta berdintasunean oinarritutako jaiak eraikitzeko”.