Asteartean goizeko lehen orduan Guardia Zibileko agente ugarik bi urduñar atxilotu zituzten. Gaur azaldu dutenez, droga salmenta sare zabal baten kontrako operazioa egin zuten eta Urduñan, zehazki, "kokaina, speed (anfetamina), marihuana eta haxis kopuru handiak" harrapatu zituzten.
Horrez gain, suzko arma labur eta gama altuko auto bana ere eraman zituzten. Atxilotuei osasun publikoaren kontrako eta droga trafiko delituak leporatu dizkiete.
Hamasei lagun atxilotu zituzten eta aldi berean beste horrenbeste higiezin miatu zituzten, pabilioi industrial bat barne. Bizkaian, Burgosen, Toledon eta Kantabrian izan ziren erregistroak.
Makro-operazioa
Lehenik eta behin, Guardia Zibilak azaldu du operazio handia izan zela astearteakoa. Hamasei lagun atxilotu zituzten eta aldi berean beste horrenbeste higiezin miatu zituzten, pabilioi industrial bat barne. Bizkaian, Burgosen, Toledon eta Kantabrian izan ziren erregistroak. Bizkaian zortzi herritar inplikatu dituzte.
Institutu armatuak jakinarazi du sareak modu jerarkizatuan funtzionatzen zuela, segurtasun neurri ugarirekin eta ardurak banatuta. Burua, antza, Merindadeetan bizi zen.
300 agentek parte hartu zuten operazioan eta hamar dosi fentanilo, 9.184 gramo kokaina arrosa, 179 gramo kokaina, 3.001 gramo speed, 18.648 gramo ketamina, 850 extasi dosi, 3.495 gramo haxis, eta 24.280 gramo marihuana bildu dituzte, baita 62.230 euro eta lau arma ere.
Poliziak adierazi du hamabost salmenta puntu, hiru laborategi eta kalamu landaketa bat ezgaitu dituela.