Arrakastatsua izan zen Ametsgoien elkarteak ostiral arratsaldean eta larunbat goizean atondutako azoka. Dozenaka lagun igaro ziren bertatik, eta produktu ugari erosi ahal izan zituzten, prezio sinbolikoetan.
Modu horretan, 2.600 euro bildu zituzten antolatzaileek, proiektua finantzatzera bideratuko dituztenak.
Hurrengo geltokia, zentro zibikoa
Iragan martxoaren 1ean ireki zituen ateak Ametsgoien etxeak Urduñako Burgos kaleko 4. zenbakian, egoera zaurgarrian dauden emakumeei harrera egiteko helburuarekin.
Espazioari bizitza ematen aritu dira elkarteko kideak ordutik hona, eta hurrengo urratsa zein den aurreratu dute: Ametsgoien zentro zibikoa sortzea. Aurreratu dutenez, "Urduñako elkarteen eskura" egongo da gune hori, tailerrak, formazioak, topaketak eta bestelako jarduerak egiteko.
Argazkiak: Ametsgoien
